கரும்புலி கப்டன் முத்துநகை அவர்கள் முகாவில், இயக்கச்சி, கிளிநொச்சியைச் சேர்ந்தவர். சிவகுருநாதன் சிவரோகினி என்ற இயற்பெயரைக் கொண்ட இவர் 9 செப்டம்பர் 2008 அன்று வவுனியா சிறிலங்கா படைத்தலைமையக வானூர்தி கண்காணிப்பு காதூவி (ராடர்) நிலையம் மீதான தாக்குதலின் போது வீரச்சாவினைத் தழுவிக் கொண்டார்.
விடுதலை என்பது வாழ்வின் அதியுயர்ந்த விழுமியம். அந்த விழுமியத்தை இலட்சியமாக வரித்து, அதற்காக வாழ்ந்து, அதற்காகப் போராடி, அதற்காக மடிந்த எமது மாவீரர்கள் மகத்தான மனிதப் பிறவிகள். அவர்களது வாழ்வும் வரலாறும் எமது வீர விடுதலைக் காவியத்தின் உயிர் வரிகள்.
